სომხეთის პარლამენტის თავმჯდომარე რუსეთთან არსებული ეკონომიკური პრობლემების გადაჭრის საკითხს შეეხო
1 წუთი კითხვის
სომხეთის რესპუბლიკის ეროვნული ასამბლეის თავმჯდომარემ ალენ სიმონიანმა განაცხადა, რომ რუსეთთან არსებული პრობლემები საჯაროობისა და დისკუსიების გზით მოგვარდება.
„არმენპრესის“ ცნობით, ამის შესახებ ალენ სიმონიანმა ეროვნულ ასამბლეაში გამართული ბრიფინგის დროს განაცხადა, როდესაც რუსეთთან არსებულ ეკონომიკურ პრობლემებთან დაკავშირებულ კითხვას უპასუხა.
„რუსეთთან არსებულ ყველა პრობლემას საჯაროდ განვიხილავთ და ვეცდებით, მათი გადაჭრის გზით წინ წავიდეთ. ჩვენ არანაირ საფრთხეს არ წარმოვადგენთ რუსეთისთვის და არც ვაპირებთ გავხდეთ საფრთხე, მსგავსი განზრახვა არ გვაქვს. არსებობს გარკვეული საკითხები, რომლებიც ყველა ქვეყანას შორის არსებობს. ეს საკითხები ზოგჯერ მწვავდება, იმატებს ან იკლებს. ჩვენ, პოლიტიკოსები, სწორედ ამ საკითხების განსახილველად და გადასაჭრელად ვართ“, - დასძინა სიმონიანმა.