მოქალაქის დღეს ერევნის რესპუბლიკის მოედანზე მუსიკალური ფესტივალი „მშვიდობის ხმა“ გაიმართება

მოქალაქის დღეს, 25 აპრილს, 20:00 საათზე, ერევნის რესპუბლიკის მოედანზე მუსიკალური ფესტივალი „მშვიდობის ხმა“ (Voice of Peace) გაიმართება.

 „არმენპრესის“ ცნობით, ამის შესახებ Voice of Peace-ის „ინსტაგრამის“ გვერდი იტყობინება.

აღნიშნულია, რომ ეს იქნება მუსიკითა და ენერგიით სავსე განსაკუთრებული საღამო, სადაც ერთ სცენაზე მსოფლიო დონის ვარსკვლავები და სხვა შემსრულებლები შეხვდებიან. სცენაზე წარდგებიან ივეტა მუკუჩიანი, Outlandish, In-Grid, ვილი უილიამი და იმანი (ნადია მლაჯაო).

დასწრება თავისუფალია.