1 წუთი კითხვის
სომხეთის რესპუბლიკის პრემიერ-მინისტრი სამუშაო ვიზიტით რუსეთში იმყოფება. „არმენპრესის“ ცნობით, ვიზიტის შესახებ პრემიერმა „ფეისბუქის“ საკუთარ გვერდზე დაწერა.
„სამუშაო ვიზიტით რუსეთის ფედერაციაში ჩავედი“, - დაწერა ნიკოლ ფაშინიანმა და თან ვიდეომასალა გამოაქვეყნა.
მოსკოვის ვნუკოვოს აეროპორტში სომხეთის პრემიერ-მინისტრს რუსეთის საგარეო საქმეთა მინისტრის მოადგილე, მიხეილ გალუზინი დახვდა.
უფრო ადრე, სომხეთის პრემიერ-მინისტრის აპარატმა განაცხადა, რომ ნიკოლ ფაშინიანი მოსკოვს 1 აპრილს ეწვეოდა, სადაც რუსეთის პრეზიდენტ ვლადიმერ პუტინთან შეხვედრას გამართავდა.
რუსეთის პრეზიდენტის პრესსპიკერმა, დიმიტრი პესკოვმა კი დააზუსტა, რომ 1 აპრილს სომხურ-რუსული მოლაპარაკებები შედგება, რომლის დროსაც ორი ქვეყნის ლიდერი ორმხრივ დღის წესრიგს, ასევე სამხრეთ კავკასიაში ეკონომიკური და სატრანსპორტო-ლოგისტიკური კავშირების განვითარების საკითხებს განიხილავს.