საბერძნეთის პრეზიდენტი იმედოვნებს, რომ სომხეთსა და აზერბაიჯანს შორის სამშვიდობო შეთანხმება მალე გაფორმდება

საბერძნეთი მხარს უჭერს სომხეთის ძალისხმევას სამხრეთ კავკასიაში მშვიდობისა და სტაბილურობის ხელშეწყობის საქმეში.

როგორც „არმენპრესის“ კორესპონდენტი ათენიდან იტყობინება, ამის შესახებ საბერძნეთის პრეზიდენტმა კონსტანტინოს ტასულასმა სომხეთის რესპუბლიკის პრეზიდენტ ვაჰაგნ ხაჩატურიანთან პირისპირ შეხვედრისას განაცხადა.

„საბერძნეთი მხარს უჭერს სომხეთის ძალისხმევას სამხრეთ კავკასიაში მშვიდობისა და სტაბილურობის დასამყარებლად. იმედი მაქვს, რომ სომხეთსა და აზერბაიჯანს შორის სამშვიდობო შეთანხმება მალე გაფორმდება რეგიონის ხალხების საკეთილდღეოდ“, - აღნიშნა საბერძნეთის პრეზიდენტმა.

მან დასძინა, რომ საბერძნეთი კვლავაც პრაქტიკულად დაუჭერს მხარს სომხეთსა და ევროკავშირს შორის ურთიერთობების განმტკიცებას, აფასებს რა რეფორმების კუთხით მიღწეულ პროგრესს და სომხეთის ევროპულ მისწრაფებებს.

სომხეთმა და აზერბაიჯანმა 2025 წლის 8 აგვისტოს ვაშინგტონში სამშვიდობო შეთანხმების პარაფირება მოახდინეს. სომხური მხარე მუდმივად აცხადებს, რომ მზად არის ნებისმიერ დროს მოაწეროს ხელი შეთანხმებას, თუმცა აზერბაიჯანი აგრძელებს უსაფუძვლო წინაპირობების წამოყენებას. კერძოდ, აზერბაიჯანული მხარე ავრცელებს ცრუ მტკიცებებს, თითქოს სომხეთის კონსტიტუცია შეიცავს ტერიტორიულ პრეტენზიებს აზერბაიჯანის მიმართ და უნდა შეიცვალოს, რის შემდეგაც აზერბაიჯანი ხელს მოაწერს შეთანხმებას.