ვლადიმერ პუტინმა ახალი წლისა და შობის მილოცვა გაუგზავნა სომხეთის პრეზიდენტ ვაჰაგნ ხაჩატურიანს და პრემიერ-მინისტრ ნიკოლ ფაშინიანს

რუსეთის ფედერაციის პრეზიდენტმა ვლადიმერ პუტინმა ახალი წლისა და შობის აღსანიშნავად მილოცვა გაუგზავნა სომხეთის რესპუბლიკის პრეზიდენტ ვაჰაგნ ხაჩატურიანს და პრემიერ-მინისტრ ნიკოლ ფაშინიანს.

„არმენპრესის“ ინფორმაციით, ამის შესახებ ნათქვამია კრემლის მიერ გავრცელებულ ოფიციალურ განცხადებაში.

რუსეთის პრეზიდენტმა მილოცვები გაუგზავნა სხვა ქვეყნების ლიდერებსაც, მათ შორის ბელარუსის, ყაზახეთის, აზერბაიჯანის, ტაჯიკეთის, ყირგიზეთის, თურქმენეთის, უზბეკეთის, თურქეთის, ინდოეთის, ჩინეთის, ბრაზილიის, ვენესუელის, უნგრეთის, სერბეთისა და სლოვაკეთის ხელმძღვანელებს.

ვლადიმერ პუტინმა ახალი წლის მილოცვა გაუგზავნა აგრეთვე ამერიკის შეერთებული შტატების პრეზიდენტ დონალდ ტრამპსაც.

ასევე მიულოცა სომხეთისა და ყაზახეთის ყოფილ პრეზიდენტებს და გერმანიის ყოფილ კანცლერს.