1 წუთი კითხვის
აშშ-ის სახელმწიფო მდივანმა მარკო რუბიომ შეაჯამა წლის შედეგები და განსაკუთრებული ყურადღება დაუთმო სომხეთ–აზერბაიჯანის ურთიერთობებსა და ვაშინგტონში ხელმოწერილ მშვიდობის დეკლარაციას․ „არმენპრესის“ ინფორმაციით, გავრცელებულ ვიდეომიმართვაში რუბიომ აღნიშნა, რომ შეერთებულმა შტატებმა შეძლო რიგი საერთაშორისო კონფლიქტების თავიდან აცილება და დარეგულირება, განსაკუთრებული აქცენტით დიპლომატიურ ჩარევაზე.
„აზერბაიჯანი და სომხეთი. ომი, რომელიც შეიძლებოდა დაწყებულიყო და საშინელ კატასტროფად ქცეულიყო, თავიდან იქნა აცილებული“, - განაცხადა აშშ-ის სახელმწიფო მდივანმა 8 აგვისტოს ვაშინგტონში, აშშ-ის პრეზიდენტ დონალდ ტრამპის თანდასწრებით, ხელმოწერილ მშვიდობის დეკლარაციაზე საუბრისას.
სახელმწიფო მდივანმა ასევე ხაზი გაუსვა, რომ უსაფრთხოების სფეროში აშშ-ის პრეზიდენტის მიერ გაცემული საკვანძო დაპირებები ხორციელდება და დასძინა: „საუკეთესო ჯერ კიდევ წინ არის“.