1 წუთი კითხვის
სომხეთის პრემიერ-მინისტრი ნიკოლ ფაშინიანი 22 დეკემბერს სანქტ-პეტერბურგში შეხვდება რუსეთის პრეზიდენტ ვლადიმერ პუტინს․ როგორც „არმენპრესი“ იუწყება, ამის შესახებ ჟურნალისტებთან საუბარში განაცხადა რუსეთის პრეზიდენტის პრესმდივანმა დმიტრი პესკოვმა․
„მრავალმხრივი ღონისძიების დასრულების შემდეგ, პუტინს დაგეგმილი აქვს ორმხრივი შეხვედრა სომხეთის პრემიერ-მინისტრ ფაშინიანთან“, – განაცხადა პესკოვმა ჟურნალისტებთან საუბარში․
სომხეთის პრემიერ-მინისტრი ნიკოლ ფაშინიანი სამუშაო ვიზიტით იმყოფება რუსეთის ფედერაციის ქალაქ სანქტ-პეტერბურგში․ 21 დეკემბერს ის დაესწრო ევრაზიული ეკონომიკური კავშირის უმაღლესი საბჭოს სხდომას, ხოლო 22 დეკემბერს გაიმართება დსთ-ს ქვეყნების ლიდერების არაფორმალური შეხვედრა․