პრემიერ-მინისტრმა დაადასტურა, რომ სომხეთი ევროპის მშვიდობის ფონდის ფარგლებში ახალ დახმარებას მიიღებს
1 წუთი კითხვის
სომხეთის რესპუბლიკის პრემიერ-მინისტრმა ნიკოლ ფაშინიანმა დაადასტურა ინფორმაცია, რომ უნგრეთმა მოხსნა თავისი ვეტო ევროპის მშვიდობის ფონდის ფარგლებში სომხეთისთვის 20 მილიონი ევროს გამოყოფის შესახებ გადაწყვეტილებაზე․
„არმენპრესის“ ინფორმაციით, ამის შესახებ პრემიერ-მინისტრმა ნიკოლ ფაშინიანმა განაცხადა მთავრობის სხდომის შემდეგ ჟურნალისტებთან გამართულ ბრიფინგზე.
პრემიერ-მინისტრმა აღნიშნა, რომ აღნიშნული თანხა ხელს შეუწყობს მშვიდობის დღის წესრიგის წინ წაწევას და მისი განხორციელების სამსახურში იქნება გამოყენებული.
„დიახ, სომხეთის საგარეო საქმეთა მინისტრმა შემატყობინა, რომ უნგრელმა პარტნიორებმა, როგორც ჩანს, გადაწყვეტილებას დათანხმდნენ და არსებობს კონსენსუსი. დე იურე გადაწყვეტილება მიღებული იქნება და გამოქვეყნდება. შინაარსობრივ მხარეზე ამ ეტაპზე ვერ ვისაუბრებ, თუმცა ნებისმიერ შემთხვევაში ეს ხელს შეუწყობს და მშვიდობის ლოგიკით დაიხარჯება“, - ხაზგასმით აღნიშნა სომხეთის პრემიერ-მინისტრმა.