სომხეთი და ევროკავშირი გააგრძელებენ თანამშრომლობას უვიზო რეჟიმისა და უსაფრთხოების სფეროში

სომხეთი და ევროკავშირი აგრძელებენ თანამშრომლობის გაღრმავებას. როგორც „არმენპრესის“ ინფორმაციით, სომხეთის რესპუბლიკის საგარეო საქმეთა მინისტრმა არარატ მირზოიანმა და ევროკავშირის გაფართოების საკითხებში კომისარმა მართა კოსმა ერთობლივ პრესკონფერენციაზე განაცხადეს, ამის შესახებ განცხადება გააკეთა ევროკავშირის საგარეო საქმეთა და უსაფრთხოების პოლიტიკის მაღალი წარმომადგენელმა კაია კალასმა.

„ევროკავშირი-სომხეთის თანამშრომლობა სულ უფრო უმჯობესდება, ჩვენ მივიღეთ ახალი სტრატეგიული დღის წესრიგი. მხარს დავუჭერთ თქვენს რეფორმებს, რომლებიც მიზნად ისახავს სომხეთის ეკონომიკის დივერსიფიკაციას. ასევე ვიმუშავებთ უვიზო რეჟიმის და უსაფრთხოების მიმართულებით“, - აღნიშნა კალასმა.

კაია კალასმა სომხეთის რესპუბლიკის საგარეო საქმეთა მინისტრი მიიწვია წლის ბოლოს ევროკავშირის საგარეო საქმეთა მინისტრების შეხვედრაში მონაწილეობის მისაღებად.

ბრიუსელში მიმდინარეობს სომხეთ-ევროკავშირის პარტნიორობის საბჭოს მე-6 სხდომა. სხდომის შედეგად სომხეთმა და ევროკავშირმა ხელი მოაწერეს პარტნიორობის სტრატეგიულ დღის წესრიგს. დოკუმენტს ხელი მოაწერეს სომხეთის საგარეო საქმეთა მინისტრმა არარატ მირზოიანმა და ევროკავშირის საგარეო საქმეთა და უსაფრთხოების პოლიტიკის საკითხებში უმაღლესმა წარმომადგენელმა კაია კალასმა.