აზერბაიჯანის რიტორიკა 8 აგვისტოს შემდეგ შეიცვალა, ეს საზღვარზეც შესამჩნევია։ პაპიკიანი

სომხეთსა და აზერბაიჯანს შორის 8 აგვისტოს ვაშინგტონში მიღწეული შეთანხმებების შემდეგ აზერბაიჯანის რიტორიკა შეიცვალა, რაც საზღვარზეც მკაფიოდ ჩანს․

როგორც „არმენპრესი“ იუწყება, ამის შესახებ სომხეთის თავდაცვის მინისტრმა სურენ პაპიკიანმა პარლამენტში ჟურნალისტებთან საუბრისას განაცხადა.

„ფაქტია, რომ აზერბაიჯანის რიტორიკა 8 აგვისტოს შემდეგ მნიშვნელოვნად შემცირდა და შეიცვალა, ეს კარგად ჩანს საზღვარზეც. როდესაც ფაქტობრივ მშვიდობაზე ვსაუბრობთ, ეს არ არის გამოგონილი, ეს რეალობაა“, - აღნიშნა მინისტრმა․

სომხეთმა და აზერბაიჯანმა 8 აგვისტოს აშშ-ის დედაქალაქ ვაშინგტონში წინასწარ მოაწერეს ხელი სამშვიდობო შეთანხმებას. ამის შემდეგ სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმაც განაცხადეს, რომ ორ ქვეყანას შორის დამყარდა მშვიდობა.