გაბალანსებული და დაბალანსებისკენ მიმართული საგარეო პოლიტიკა ახალ ჰორიზონტებს გვიხსნის წინ: ფაშინიანი გაეროს ტრიბუნიდან
2 წუთი კითხვის
ბოლო წლებში სომხეთის რესპუბლიკის დიპლომატიური ურთიერთობების გეოგრაფია თვალსაჩინოდ და სასიამოვნოდ ფართოვდება.
„არმენპრესის“ ინფორმაციით, გაეროს ტრიბუნიდან ამის შესახებ განაცხადა სომხეთის რესპუბლიკის პრემიერ-მინისტრმა ნიკოლ ფაშინიანმა.
„30 წლის დამოუკიდებლობის შემდეგ სომხეთის რესპუბლიკას არ ჰქონდა დიპლომატიური ურთიერთობები საუდის არაბეთსა და პაკისტანთან. მიხარია აღვნიშნო, რომ ახლა უკვე ჩვენს ქვეყნებს შორის დიპლომატიური ურთიერთობები დამყარდა და მიმდინარეობს დიალოგი“, – განაცხადა სომხეთის პრემიერ-მინისტრმა.
მისი თქმით, სომხეთის რესპუბლიკის ტრადიციული კავშირებიც საგრძნობლად ვითარდება.
„ირანის ისლამურ რესპუბლიკასთან და საქართველოსთან ჩვენი დიალოგი და ძმობა უფრო თვალსაჩინო ხდება. ეს ურთიერთობები, თურქეთთან და აზერბაიჯანთან ჩვენს ურთიერთობებთან ერთად, უკიდურესად მნიშვნელოვანია, რომ სამხრეთ კავკასიის რეგიონი მშვიდ, სტაბილურ და განვითარებად გარემოდ დავინახოთ.
ამ თვალსაზრისით მნიშვნელოვანია ასევე 3+3 ფორმატი, რომელიც ჩვენთვის მნიშვნელოვან პლატფორმას წარმოადგენს ჩვენი რეგიონის ქვეყნებთან დიალოგისთვის და რუსეთის ფედერაციასთან ჩვენი ტრადიციული დიალოგის გასავითარებლად – მიუხედავად იმისა, რომ რუსეთთან ყოველთვის აქტიური ორმხრივი ურთიერთობები გვაქვს“, – განმარტა ფაშინიანმა.
მან გაეხსენა, რომ ცოტა ხნის წინ სომხეთმა სტრატეგიული პარტნიორობა დაამყარა ჩინეთთან, აქტიური პოლიტიკური და სავაჭრო-ეკონომიკური ურთიერთობები აქვს ინდოეთთან.
„გაბალანსებული და დაბალანსებისკენ მიმართული საგარეო პოლიტიკა ახალ ჰორიზონტებს გვიხსნის წინ. ჩვენ ვააქტიურებთ ურთიერთობებს იაპონიასთან, მონღოლეთთან, ახლო აღმოსავლეთისა და ცენტრალური აზიის ქვეყნებთან“, – აღნიშნა ფაშინიანმა.