ფაშინიანი თურქეთთან დიპლომატიური ურთიერთობების დამყარებისა და უახლოეს მომავალში საზღვრის სრულად გახსნის წინაპირობებს ხედავს
1 წუთი კითხვის
ბოლო წლებში სომხეთსა და თურქეთს შორის უპრეცედენტო პოზიტიური დიალოგი დამყარდა.
„არმენპრესის“ ინფორმაციით, გაეროს ტრიბუნიდან გამოსვლისას ამის შესახებ განაცხადა სომხეთის რესპუბლიკის პრემიერ-მინისტრმა ნიკოლ ფაშინიანმა.
„პრეზიდენტ ერდოღანთან ჩემი შეხვედრები პერიოდულ ხასიათს ატარებს – ნდობის მუდმივად მზარდი დონით. ეს არის მიღწევა, რომელსაც მე განსაკუთრებულად ვაფასებ და დარწმუნებული ვარ, რომ ახლო მომავალში ეს მოიტანს პოზიტიურ შედეგებს, ანუ სომხეთსა და თურქეთს შორის დიპლომატიური ურთიერთობების დამყარებას და სახელმწიფო საზღვრის სრულად გახსნას“.