სომხეთის რესპუბლიკის უშიშროების საბჭოს მდივანმა და სლოვაკეთის თავდაცვის სამინისტროს სახელმწიფო მდივანმა შეხვედრა გამართეს

სლოვაკეთის რესპუბლიკაში სამუშაო ვიზიტის ფარგლებში, 8 სექტემბერს სომხეთის რესპუბლიკის უშიშროების საბჭოს მდივანი არმენ გრიგორიანი შეხვდა სლოვაკეთის თავდაცვის სამინისტროს სახელმწიფო მდივანს, იგორ მელიხერს.

„არმენპრესის“ ცნობით, სომხეთის რესპუბლიკის უშიშროების საბჭოს ოფისის მიერ გავრცელებულ განცხადებაში აღნიშნულია, რომ იგორ მელიხერმა არმენ გრიგორიანს სომხეთსა და აზერბაიჯანს შორის სამშვიდობო შეთანხმების წინასწარ ხელმოწერის გამო მიულოცა და აღნიშნა, რომ მშვიდობა დადებით გავლენას მოახდენს როგორც რეგიონზე, ისე ექსტრარეგიონულ ქვეყნებზეც.

არმენ გრიგორიანმა იგორ მელიხერის თხოვნით წარმოადგინა ვაშინგტონში მიღწეული შეთანხმებების დეტალები, ასევე ის ეკონომიკური შესაძლებლობები, რომლებიც ხელმისაწვდომი გახდება, და სომხეთის ძალისხმევა რეგიონში ხანგრძლივი მშვიდობის დასამყარებლად.

შეხვედრაზე მხარეებმა განიხილეს სომხეთ–სლოვაკეთის ორმხრივი ურთიერთობები, ხაზი გაუსვეს ორ ქვეყანას შორის თანამშრომლობის განვითარების არსებულ მნიშვნელოვან პოტენციალს და მის ეფექტიან გამოყენების მზადყოფნას. იგორ მელიხერმა ასევე დაადასტურა სლოვაკეთის მხარდაჭერა სომხეთ–ევროკავშირის პარტნიორობის გაღრმავების დღის წესრიგის მიმართ.