367.29
ლილით მაკუნცი დაინიშნება სომხეთის რესპუბლიკის პრემიერ-მინისტრის მთავარ მრჩევლად
1 წუთი კითხვის
ამერიკის შეერთებულ შტატებში სომხეთის ყოფილ ელჩს, ლილით მაკუნცს, სომხეთის რესპუბლიკის პრემიერ-მინისტრის მთავარ მრჩევლად დანიშნავენ.
„არმენპრესის“ ინფორმაციით, ამის შესახებ ჟურნალისტებთან ბრიფინგზე სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა.
“შეერთებულ შტატებში სომხეთის ყოფილი ელჩი პრემიერ-მინისტრის მთავარ მრჩევლად დაინიშნება“, – განაცხადა ფაშინიანმა.
ლილით მაკუნცი სომხეთის რესპუბლიკის პრეზიდენტის ბრძანებულებით 27 აგვისტოს გამოძახებულ იქნა აშშ-ში სომხეთის რესპუბლიკის ელჩის თანამდებობიდან. პრეზიდენტის სხვა ბრძანებულებით, აშშ-ში სომხეთის რესპუბლიკის ელჩად დაინიშნა ნარეკ მკრტჩიანი, რომელიც მანამდე სომხეთის რესპუბლიკის შრომისა და სოციალური საკითხების მინისტრის პოსტს იკავებდა.