ფაშინიანისა და ალიევის შეხვედრა, რომელიც 2 საათზე მეტხანს გაგრძელდა, შესვენების შემდეგ გაგრძელდა

აბუ დაბიში ნიკოლ ფაშინიანისა და ილჰამ ალიევის შეხვედრა, რომელიც ორ საათზე მეტხანს გაგრძელდა, გარკვეული დროით შეწყდა. „არმენპრესის“ ინფორმაციით, ამჟამად შეხვედრა კვლავ განახლებულია.

მანამდე სომხეთის პრემიერ-მინისტრის პრესმდივანმა ნაზელი ბაღდასარიანმა განაცხადა, რომ აბუ დაბიში დაიწყო სომხეთის პრემიერ-მინისტრ ნიკოლ ფაშინიანისა და აზერბაიჯანის პრეზიდენტ ილჰამ ალიევის შეხვედრა.

ნიკოლ ფაშინიანისა და ილჰამ ალიევის შეხვედრა სომხეთსა და აზერბაიჯანს შორის მშვიდობის პროცესის ფარგლებში ტარდება.

პრემიერ-მინისტრი ნიკოლ ფაშინიანი აბუ დაბიში 9 ივლისს ჩავიდა. იმავე დღეს სომხეთის პრემიერ-მინისტრი შეხვდა არაბთა გაერთიანებული საამიროების პრეზიდენტს, შეიხ მუჰამედ ბინ ზაიედ ალ ნაჰიანს.