1 წუთი კითხვის
აბუ დაბიში სომხეთის რესპუბლიკის პრემიერ-მინისტრ ნიკოლ ფაშინიანისა და აზერბაიჯანის პრეზიდენტ ილჰამ ალიევის შეხვედრა დაიწყო.
„არმენპრესის“ ინფორმაციით, ამის შესახებ განაცხადა სომხეთის პრემიერ-მინისტრის პრესმდივანმა ნაზელი ბაღდასარიანმა.
სომხური მხრიდან შეხვედრას ესწრებიან სომხეთის რესპუბლიკის საგარეო საქმეთა მინისტრი არარატ მირზოიანი, უშიშროების საბჭოს მდივანი არმენ გრიგორიანი, ვიცე-პრემიერი მჰერ გრიგორიანი და ეროვნული ასამბლეის თავმჯდომარის მოადგილე რუბენ რუბინიანი.
აზერბაიჯანული მხრიდან შეხვედრაში მონაწილეობენ აზერბაიჯანის საგარეო საქმეთა მინისტრი ჯეიჰუნ ბაირამოვი, ვიცე-პრემიერი შაჰინ მუსტაფაევი და აზერბაიჯანის პრეზიდენტის მრჩეველი ჰიქმეთ ჰაჯიევი.
ნიკოლ ფაშინიანისა და ილჰამ ალიევის შეხვედრა იმართება სომხეთსა და აზერბაიჯანს შორის სამშვიდობო პროცესის ფარგლებში.
პრემიერ-მინისტრი ნიკოლ ფაშინიანი აბუ დაბიში 9 ივლისს ჩაფრინდა. 9 ივლისს სომხეთის რესპუბლიკის პრემიერ-მინისტრმა შეხვედრა გამართა არაბთა გაერთიანებული საამიროების პრეზიდენტთან, შეიხ მუჰამედ ბინ ზაიედ ალ ნაჰიანთან.