სომხეთის ელჩმა პარაგვაის საგარეო საქმეთა მინისტრს რწმუნებათა სიგელების ასლი გადასცა

სომხეთის რესპუბლიკის ელჩმა პარაგვაის რესპუბლიკაში (რეზიდენციით – მონტევიდეო) მარიამ გევორგიანმა პარაგვაის საგარეო საქმეთა მინისტრ რუბენ რამირეს ლესკანოს რწმუნებათა სიგელების ასლი გადასცა.

როგორც „არმენპრესი“ იუწყება, ამის შესახებ აღნიშნულია სომხეთის ელჩობის მიერ ურუგვაიში გავრცელებულ განცხადებაში․

აღინიშნება, რომ შეხვედრის ფარგლებში მხარეებმა ხაზგასმით აღნიშნეს ორმხრივი ურთიერთობების შემდგომი გამყარების მნიშვნელობა და გამოხატეს მზადყოფნა, განაგრძონ თანამშრომლობა ამ მიმართულებით.

გავრცელებული ინფორმაციის თანახმად, სომხეთის ელჩმა პარაგვაის საგარეო საქმეთა მინისტრს გააცნო უსაფრთხოების მდგომარეობა სამხრეთ კავკასიაში, სომხეთის ძალისხმევა რეგიონში ხანგრძლივი მშვიდობის დამკვიდრებისკენ, ასევე სომხეთის მთავრობის მიერ შემუშავებული „მშვიდობის გზაჯვარედინი“ პროექტი.