აზერბაიჯანს არ აქვს არანაირი მიზეზი, რომ სომხეთის წინააღმდეგ აგრესია წამოიწყოს։ სარგის ხანდანიანი

აზერბაიჯანს არ გააჩნია არანაირი მიზეზი სომხეთის წინააღმდეგ აგრესიის დაწყებისთვის.

„არმენპრესი“-ს ინფორმაციით, ამის შესახებ სომხეთის ეროვნული ასამბლეაში ჟურნალისტებთან ბრიფინგის დროს განაცხადა „სამოქალაქო ხელშეკრულების“ ფრაქციის დეპუტატმა, საგარეო ურთიერთობათა მუდმივი კომისიის თავმჯდომარემ, სარგის ხანდანიანმა, უპასუხა რა შეკითხვას, შეიძლებოდა თუ არა ირანსა და ისრაელს შორის დაძაბულობას სომხეთისთვისაც საფრთხე შეექმნა.

„ბუნებრივია, ნებისმიერ დაძაბულობას რეგიონში, განსაკუთრებით სომხეთის მეზობელ ქვეყანაში, შეუძლია გამოიწვიოს შეშფოთება, რაც ზოგადად ზრდის უსაფრთხოების მდგომარეობის დაძაბულობის რისკს რეგიონში. რაც შეეხება აზერბაიჯანის მხრიდან სომხეთზე შესაძლო თავდასხმას, კვლავ გავიმეორებ, რომ აზერბაიჯანს არ გააჩნია არანაირი მიზეზი და ლეგიტიმურობა მსგავსი ქმედების დასაწყებად“, – აღნიშნა დეპუტატმა.

ხანდანიანმა შეახსენა, რომ სომხეთი მზად არის ნებისმიერ დროს მოაწეროს ხელი სამშვიდობო შეთანხმებას აზერბაიჯანთან.
„სომხეთი მუშაობს ამ მიმართულებით და გრძელდება მოლაპარაკებები და განხილვები იმისთვის, რომ სამშვიდობო შეთანხმების ხელმოწერის პროცესი მაქსიმალურად დაახლოებულ იქნას“, – განაცხადა მან.

შეკითხვაზე, როგორია ამ ეტაპზე სამხედრო მოქმედებების ალბათობა, ხანდანიანმა უპასუხა.

„ასეთ შეფასებას ვერ გავაკეთებ, თუმცა კიდევ ერთხელ ვამბობ – არ არსებობს არანაირი საბაბი, მიზეზი ან ლეგიტიმაცია აგრესიისთვის“.