1 წუთი კითხვის
ევროკავშირის საგარეო საქმეთა და უსაფრთხოების პოლიტიკის საკითხებში უმაღლესმა წარმომადგენელმა კაია კალასმა განაცხადა, რომ ტირანაში გამართული ევროპული პოლიტიკური გაერთიანების მე-6 სამიტის ფარგლებში შეხვდება სომხეთის პრემიერ-მინისტრ ნიკოლ ფაშინიანს.
„არმენპრესის“ ინფორმაციით, ამის შესახებ ევროკავშირის დიპლომატიის ხელმძღვანელმა განაცხადა ჟურნალისტებთან ბრიფინგის დროს։
„მე ვიმყოფებოდი აზერბაიჯანში, ხოლო აქ (რედ. ალბანეთის დედაქალაქ ტირანაში) შევხვდები სომხეთის პრემიერ-მინისტრ ნიკოლ ფაშინიანს“, – აღნიშნა კალასმა და დაამატა, რომ უახლოეს მომავალში სომხეთსაც ეწვევა.
ევროკავშირის დიპლომატიის ხელმძღვანელმა იმედი გამოთქვა, რომ სომხეთსა და აზერბაიჯანს შორის სამშვიდობო შეთანხმება მალე გაფორმდება.
„აზერბაიჯანი და სომხეთი შეთანხმებას ძალიან მიუახლოვდნენ. ვფიქრობ, ყველას ინტერესშია, რომ მათ ხელი მოაწერონ ამ სამშვიდობო შეთანხმებას, რის შედეგადაც ერთი კონფლიქტით ნაკლები იქნება“, – აღნიშნა ევროკავშირის დიპლომატიის ხელმძღვანელმა.