არარატ მირზოიანი ფაშინიანის დელეგაციის შემადგენლობაში ევროპული პოლიტიკური გაერთიანების მე-6 სამიტში მიიღებს მონაწილეობას

სომხეთის რესპუბლიკის საგარეო საქმეთა მინისტრი არარატ მირზოიანი ალბანეთის დედაქალაქ ტირანაში მონაწილეობას მიიღებს ევროპული პოლიტიკური გაერთიანების მე-6 სამიტში.

„არმენპრესის“ ინფორმაციით, ამის შესახებ განაცხადა სომხეთის საგარეო საქმეთა სამინისტროს პრესსპიკერმა ანი ბადალიანმა.

„შემდეგი მიმართულება: ტირანა. სომხეთის პრემიერ-მინისტრ ნიკოლ ფაშინიანის დელეგაციის შემადგენლობაში მინისტრი მირზოიანი გაემგზავრა ალბანეთში, სადაც გაიმართება ევროპული პოლიტიკური გაერთიანების რიგით მე-6 სამიტი“, – დაწერა ბადალიანმა „ფეისბუქის“ საკუთარ გვერდზე.

ევროპული პოლიტიკური გაერთიანების მე-6 სამიტში მონაწილეობისათვის ალბანეთში იმყოფება ასევე პრემიერ-მინისტრი ნიკოლ ფაშინიანი.