ალიევმა განაცხადა, რომ მზად არიან სომხეთთან ნდობის ჩამოყალიბებისკენ მიმართული ნაბიჯების გადასადგმელად

აზერბაიჯანის პრეზიდენტმა ილჰამ ალიევმა განაცხადა, რომ ბაქო მზად არის სომხეთთან ნდობის ჩამოყალიბებისკენ მიმართული ნაბიჯების გადასადგმელად․

„არმენპრესის“ ინფორმაციით, ალიევმა ამის შესახებ ბაქოში გამართული საერთაშორისო კონფერენციის დროს განაცხადა.

„რა თქმა უნდა, ჩვენ ვერ წარმოვიდგენთ, რომ უცებ სომხეთთან მეგობრები გავხდებით, ეს რეალისტური არ არის. ჯერ ნაადრევია საუბარი ეკონომიკურ ინტეგრაციაზეც. თუმცა მზად ვართ დავიწყოთ მცირე ნაბიჯები ნდობის ჩამოყალიბების მიმართულებით“, – აღნიშნა ალიევმა.

აზერბაიჯანის პრეზიდენტის თქმით, ცოტა ხნის წინ ბაქომ ნდობის ჩამოყალიბებაზე ორიენტირებულ ინიციატივებთან დაკავშირებით წინადადებები მიიღო ქართველ პარტნიორებისგან. „ჩვენ დადებითი პასუხი მივეცით და ველოდებით სომხური მხარის პოზიციას. თუ ყველაფერი გამოვა, შესაძლებელია მცირე ნაბიჯების გადადგმა“, – განაცხადა ალიევმა.

ალიევმა ასევე შეეხო სომხეთთან სამშვიდობო შეთანხმების პროექტს და აღნიშნა, რომ მისი ხელმოწერის შემდეგ არანაირი ბარიერი არ იარსებებს თანამშრომლობის დასაწყებად.

ამავდროულად, მან კვლავ გააჟღერა ყალბი მტკიცებები და განაცხადა, რომ სამშვიდობო შეთანხმების ხელმოწერის თვალსაზრისით ბურთი სომხეთის მხარესაა, რაც კიდევ ერთხელ დაუკავშირა თავის წინა განცხადებებს სომხეთის კონსტიტუციაში ცვლილებების აუცილებლობის თაობაზე.