სომხეთი Numbeo-ს ვერსიით მსოფლიოს მერვე ყველაზე უსაფრთხო ქვეყნაა

Numbeo-ს 2025 წლის დანაშაულისა და უსაფრთხოების ინდექსის მიხედვით, სომხეთი მსოფლიოს მერვე ყველაზე უსაფრთხო ქვეყანაა.

როგორც „არმენპრესი“ იუწყება, სომხეთი Numbeo-ს ინდექსში მერვე ადგილს იკავებს 77.9 ქულით.

პირველ ადგილზე ანდორა აღმოჩნდა 84.7 ქულით, მეორე ადგილი არაბთა გაერთიანებულმა საამიროებმა დაიკავეს 84.5 ქულით, ხოლო მესამე ადგილზე ყატარია 84.2 ქულით. 

აზერბაიჯანი ინდექსში 33-ე ადგილს იკავებს 68.2 ქულით, ირანი 93-ე ადგილზეა 49.5 ქულით, თურქეთი 57-ეა 58.8 ქულით, ხოლო საქართველო 21-ე ადგილზეა 73.7 ქულით.

Numbeo-ს 2024 წლის ინდექსში, რომელიც 2024 წლის ნოემბერში გამოქვეყნდა, სომხეთმა ასევე მერვე ადგილი დაიკავა 77.8 ქულით.