1 წუთი კითხვის
რუბენ ვარდანიანმა 12 მარტს ოჯახთან სატელეფონო საუბარი გამართა, რომლის დროსაც განაცხადა, რომ 23-დღიანი შიმშილობა შეწყვიტა.
როგორც „არმენპრესი“ იუწყება, ვარდანიანმა აღნიშნა, რომ შიმშილობის ერთ-ერთი მიზანი იყო იმის ჩვენება, რომ რეალური სასამართლო პროცესი არ არსებობს და მიმდინარეობს ფორმალური პროცესი.
ვარდანიანმა ასევე ხაზი გაუსვა, რომ შემდეგში მხოლოდ სასამართლოს საბოლოო სხდომაზე ისაუბრებს, მაგრამ მხოლოდ იმ შემთხვევაში, თუ იქ საერთაშორისო წარმომადგენლები იქნებიან.
ბაქოს ციხეში უკანონოდ დაკავებულმა რუბენ ვარდანიანმა შიმშილობა 19 თებერვალს გამოაცხადა, რათა აღნიშნული გზით პროტესტი გამოეხატა მის წინააღმდეგ მიმდინარე სასამართლო ფარსის გამო.