სომხეთის პრემიერ-მინისტრმა და Emerson-NI-ის პრეზიდენტმა ერთობლივი პროექტების განხორციელების შესაძლებლობები განიხილეს

სომხეთის პრემიერ-მინისტრი ნიკოლ ფაშინიანი მიიღო Emerson-NI-ის პრეზიდენტი რიტუ ფავრე, რომელიც საქმიანობს მაღალი ტექნოლოგიების სფეროში.

როგორც „არმენპრესი“ პრემიერ-მინისტრის აპარატის მიერ გავრცელებულ განცხადებაზე დაყრდნობით იტყობინება, ნიკოლ ფაშინიანმა მისასალმებელი სიტყვით მიმართა ქალბატონ ფავრეს და ხაზი გაუსვა Emerson-NI-ის საქმიანობის მნიშვნელობას სომხეთში. პრემიერ-მინისტრმა აღნიშნა, რომ მაღალი ტექნოლოგიების სექტორის უწყვეტი განვითარება სომხეთის მთავრობის პრიორიტეტებს შორისაა და ამ კუთხით მთავრობა დაინტერესებულია Emerson-NI-ის ახალი საინვესტიციო პროგრამების განხორციელებით.

მხარეებმა განიხილეს ინვესტიციური გარემოს გაუმჯობესების, მაღალი ტექნოლოგიების სფეროს განვითარების, ერთობლივი პროექტების განხორციელების შესაძლებლობებისა და ორმხრივი თანამშრომლობის ახალი პერსპექტივების საკითხები.

აღინიშნა, რომ Emerson-NI აქტიურად თანამშრომლობს ერევნის სახელმწიფო უნივერსიტეტსა და სომხეთის ეროვნული პოლიტექნიკური უნივერსიტეტთან, რათა უზრუნველყოს მაღალკვალიფიციური კადრების მომზადება. რიტუ ფავრემ ხაზი გაუსვა სომეხი ახალგაზრდების დიდ პოტენციალს და აღნიშნა, რომ Emerson-NI გააგრძელებს აქტიურ საქმიანობას სომხეთში. ამ კონტექსტში მან განსაკუთრებული მნიშვნელობა მიანიჭა მჭიდრო თანამშრომლობას სომხეთის მთავრობასთან.

ნიკოლ ფაშინიანმა ასევე ხაზი გაუსვა განათლების სექტორში ინფრასტრუქტურის განვითარების, ორმხრივი თანამშრომლობის გაღრმავებისა და მიმდინარე პროგრამების გაგრძელების აუცილებლობას.