აზერბაიჯანის თავდაცვის სამინისტროს მიერ გავრცელებული ინფორმაცია დეზინფორმაციაა: სომხეთის თავდაცვის სამინისტრო

აზერბაიჯანის თავდაცვის სამინისტროს განცხადება, თითქოსდა 4 მარტს 22:05 საათზე სომხეთის შეიარაღებული ძალების ქვედანაყოფებმა ცეცხლი გახსნეს საზღვრის სამხრეთ-აღმოსავლეთ სექტორში განლაგებული აზერბაიჯანული პოზიციების მიმართულებით, არ შეესაბამება სინამდვილეს.

როგორც „არმენპრესი“ იუწყება, ამის შესახებ განცხადებას ავრცელებს სომხეთის რესპუბლიკის თავდაცვის სამინისტრო, რომელიც ასევე აღნიშნავს, რომ სომხეთის პრემიერ-მინისტრის ადმინისტრაციამ შესთავაზა სომხეთ-აზერბაიჯანის ერთობლივი მექანიზმის შექმნა ცეცხლის შეწყვეტის რეჟიმის დარღვევის შემთხვევებისა და/ან შესაბამისი ინფორმაციის გამოძიებისთვის, თუმცა აზერბაიჯანს ამ ინიციატივაზე ჯერ კიდევ არ გაუცია პასუხი.