სომხეთის რესპუბლიკის პრემიერ-მინისტრმა დადებითად შეაფასა აშშ-ის ვიცე-პრეზიდენტთან გამართული საუბარი

სომხეთის პრემიერ-მინისტრი ნიკოლ ფაშინიანი დადებითად აფასებს აშშ-ის ვიცე-პრეზიდენტ ჯეიმს დევიდ ვენსთან შეხვედრას.

„არმენპრესის“ ინფორმაციით, ფაშინიანმა ამის შესახებ სოციალურ ქსელ „ფეისბუქზე“ დაწერა.

„თეთრ სახლში გაცნობითი შეხვედრა მქონდა აშშ-ის ვიცე-პრეზიდენტ ჯეიმს დევიდ ვენსთან. კარგი საუბარი გვქონდა“, – დაწერა სომხეთის პრემიერ-მინისტრმა.

ადრე სომხეთის პრემიერ-მინისტრის აპარატის საინფორმაციო და საზოგადოებასთან ურთიერთობის დეპარტამენტმა განაცხადა, რომ ნიკოლ ფაშინიანი თეთრ სახლში შეხვდა აშშ-ის ვიცე-პრეზიდენტ ჯეიმს დევიდ ვენსს. აღინიშნა, რომ შეხვედრის დროს განიხილეს სომხეთ-აშშ-ის ორმხრივ ურთიერთობებთან, ასევე რეგიონულ დღის წესრიგთან დაკავშირებული საკითხები.