მოსკოვში დაიწყო ნიკოლ ფაშინიანისა და ვლადიმერ პუტინის შეხვედრა

ერევანი, 8 ოქტომბერი, არმენპრესი. მოსკოვში დაიწყო სომხეთის პრემიერ-მინისტრ ნიკოლ ფაშინიანისა და რუსეთის პრეზიდენტ ვლადიმერ პუტინის შეხვედრა.

„არმენპრესის“ ინფორმაციით, შეხვედრა იმართება დამოუკიდებელ სახელმწიფოების თანამეგობრობის (დსთ) წევრი ქვეყნების ლიდერების საბჭოს სხდომის ფარგლებში.

მანამდე რუსეთის პრეზიდენტმა ასევე გამართა შეხვედრა აზერბაიჯანის პრეზიდენტ ილჰამ ალიევთან. რუსული სააგენტო „რია ნოვოსტის“ გავრცელებული ინფორმაციით, პუტინისა და ალიევის შეხვედრაზე განხილვის მთავარი თემა იყო სომხეთსა და აზერბაიჯანს შორის ურთიერთობების დარეგულირების საკითხი.

რუსეთის პრეზიდენტის დახმარებელმა იური უშაკოვმა აღნიშნა, რომ მოსკოვში რუსეთის, სომხეთისა და აზერბაიჯანის ლიდერების სამმხრივი შეხვედრა არ არის დაგეგმილი. უშაკოვმა განაცხადა, რომ სამმხრივი შეხვედრის ჩატარების იდეა არსებობდა, თუმცა ერთ-ერთ მხარესთან შეთანხმება ვერ მოხერხდა, ხაზგასმით აღნიშნა, რომ რუსეთი ასეთ შეხვედრას არ ეწინააღმდეგებოდა.