ადამ შიფმა აზერბაიჯანის ქონების კონფისკაციისა და მას მთიანი ყარაბაღის შემოსავლის აღდგენის ფონდში გადარიცხვის შესახებ კანონპროექტი წარადგინა

ერევანი, 19 სექტემბერი, არმენპრესი. ამერიკის კონგრესმენმა ადამ შიფმა წარადგინა ორპარტიული კანონპროექტი, რომელიც ითვალისწინებს აზერბაიჯანის ქონების კონფისკაციას და მის მთიანი ყარაბაღის შემოსავლის აღდგენის ფონდში გადარიცხვას.

„არმენპრესის“ ცნობით, ამის შესახებ იტყობინება ამერიკის სომხური ეროვნული კომიტეტი (ANCA), რომელიც აღნიშნავს, რომ კანონპროექტის მიხედვით, ზემოაღნიშნული ფონდი შეიქმნება აზერბაიჯანის მიერ განხორციელებული ეთნიკური წმენდის შედეგად მთიანი ყარაბაღიდან იძულებით გადასახლებული სომხების დაკარგული შემოსავლის კომპენსაციისთვის.

„აზერბაიჯანის უწყვეტი ქმედებები არტახის მოსახლეობის მიმართ ჰუმანიტარულ კატასტროფას იწვევს და ეთნიკური წმენდის ტოლფასია“, - განაცხადა კონგრესმენმა ადამ შიფმა და დასძინა, რომ აუცილებელია უზრუნველვყოთ, რომ დამნაშავეები პასუხისმგებლობას დაექვემდებარონ, და მთიანი ყარაბაღის უდანაშაულო მსხვერპლმა კომპენსაცია მიიღოს მათი უზარმაზარი დანაკარგებისთვის.

მან აღნიშნა, რომ მისი ეს კანონმდებლობა უზრუნველყოფს სამართლიანობის და ფინანსური კომპენსაციის მექანიზმს მათთვის, ვინც აზერბაიჯანის აგრესიის შედეგად ყველაფერს დაკარგა.

კონგრესმენ შიფის ინიციატივას შეუერთდნენ კონგრესის სომხური ჯგუფის თანათავმჯდომარე ფრენკ პალონი და წარმომადგენლები გეიბ ამონი, ჯოის ბითი, ჯიმ კოსტა, ანა ეშუ, ჯოშ გოთჰაიმერი, დაგ ლამალფა, ჯეიმს მაკგოვერნი, გრეის მენგი და სხვა კონგრესმენები.

მთიანი ყარაბაღის შემოსავლის აღდგენის აქტი მიზნად ისახავს აზერბაიჯანის პასუხისგებაში მიცემას შემდეგი პუნქტებით: აზერბაიჯანის მთავრობის პასუხისგებაში მიცემა, რათა ეთნიკური წმენდის მსხვერპლებს კომპენსაცია გადაუხადოს; მთიანი ყარაბაღის შემოსავლის აღდგენის ფონდის შექმნა, რომლის მიზანი იქნება დაკარგული ქონების და ბიზნესის შემოსავლის კომპენსაცია.

„თუ აზერბაიჯანი უარს იტყვის, კანონპროექტი ითვალისწინებს, რომ აშშ-ში აზერბაიჯანის სუვერენულ აქტივებზე ყადაღა დაედება ამ გადახდების განსახორციელებლად“, - ნათქვამია შიფის ინიციატივაში.

მნიშვნელოვანია, რომ კანონპროექტი ადასტურებს მთიანი ყარაბაღიდან გადასახლების უფლების აღიარებას და მათ საკუთრების უფლებებს. აქტივების კონფისკაციის მეშვეობით კომპენსაცია არ გულისხმობს სომხური ქონების საკუთრების უფლებების გადაცემას აზერბაიჯანის მხარისთვის; მთიანი ყარაბაღის სომხებს ექნებათ თავიანთი სახლებისა და ბიზნესის საკუთრების უფლებების მოთხოვნის შესაძლებლობა.

კონგრესში წარმოდგენილ განცხადებაში, რომელიც ეძღვნება მთიანი ყარაბაღის წინააღმდეგ აზერბაიჯანის სამხედრო თავდასხმის და მის შედეგად იძულებით სომხების განდევნის წლისთავს, ადამ შიფმა აღნიშნა:

„აზერბაიჯანმა უნდა აიღოს პასუხისმგებლობა იმ უზარმაზარი ჰუმანიტარული კრიზისისთვის, რომელიც ბლოკადისა და სამხედრო თავდასხმის შედეგად წარმოიშვა. ბაქომ უნდა გაათავისუფლოს ტყვეები და პატიმრები და ვალდებული იყოს დაიცვას სომხური კულტურული მემკვიდრეობა. მან უნდა უზრუნველყოს, რომ არცახში ქონების მქონე პირებს ჰქონდეთ დაბრუნებისა და თავიანთი ცხოვრების აღდგენის უფლება. აზერბაიჯანმა უნდა აიღოს პასუხისმგებლობა, რათა გაანაზღაუროს არცახიდან გამგზავრებულების დაკარგული შემოსავალი. ეს კომპენსაცია ვერ აღადგენს მთლიანად მათ ცხოვრებას, მაგრამ ეს მნიშვნელოვანი დასაწყისია მათ ამჟამინდელ ტანჯვაზე რეაგირებისთვის, ვინც ამდენი რამ დაკარგა“.