შარლ მიშელი მიესალმა სომხეთისა და აზერბაიჯანის ერთობლივ განცხადებას და მოუწოდა სამშვიდობო შეთანხმების ხელმოწერას

ერევანი, 8 დეკემბერი, არმენპრესი. ევროსაბჭოს პრეზიდენტი შარლ მიშელი მიესალმა სომხეთისა და აზერბაიჯანის ერთობლივ განცხადებას და მას ორ ქვეყანას შორის ურთიერთობებში დიდი პროგრესი უწოდა.

„არმენპრესის“ ცნობით, მიშელი მიესალმა დაკავებულების გათავისუფლებას და მოუწოდა ორივე ქვეყანას, რაც შეიძლება მალე დადონ სამშვიდობო შეთანხმება.

„განსაკუთრებით მივესალმებით დაკავებული პირების გათავისუფლებას და პოლიტიკური დიალოგის უპრეცედენტო გახსნას. მხარეებს შორის დიალოგის დამყარება და გაღრმავება ევროკავშირის ხელმძღვანელობით ბრიუსელის პროცესის მთავარი მიზანი იყო. დღევანდელი პროგრესი საკვანძო ნაბიჯია. მე ახლა მოვუწოდებ სომხეთისა და აზერბაიჯანის ლიდერებს, რაც შეიძლება მალე დადონ სამშვიდობო შეთანხმება“,- წერს მიშელი X სოციალურ პლატფორმაზე.

როგორც უკვე აღვნიშნეთ,სომხეთის რესპუბლიკის პრემიერ-მინისტრის აპარატმა და აზერბაიჯანის რესპუბლიკის პრეზიდენტის ადმინისტრაციამ ერთობლივი განცხადება გაავრცელეს, რომლის მიხედვითაც,აზერბაიჯანმა 32 სომეხი სამხედრო მოსამსახურე გაათავისუფლა, თავის მხრივ, სომხეთმა 2 აზერბაიჯანი სამხედრო მოსამსახურე გაათავისუფლა.