კუხო-ს გენერალური მდივანი - სომხეთი რჩება კუხო-ს მოკავშირედ

ერევანი, 27 ნოემბერი, არმენპრესი. სომხეთი იყო და რჩება კოლექტიური უსაფრთხოების ხელშეკრულების ორგანიზაციის (კუხო) მოკავშირედ და აზრი არ აქვს კატეგორიული დასკვნების გამოტანას მინსკში გამართულ სხდომაზე ერევნის არყოფნის გამო.

„არმენპრესის“ ცნობით, ამის შესახებ TASS-ს კუხო-ს გენერალურმა მდივანმა იმანღალი ტასმაღამბეტოვმა განუცხადა.

„ჩემი აზრით, ამ სიტუაციიდან რაიმე კატეგორიული დასკვნების გამოტანას აზრი არ აქვს. სომხეთი იყო და რჩება ჩვენი მოკავშირე. ამით, ვფიქრობ, ყველაფერი ნათქვამია. როგორც სამდივნოსთვის (კუხო) ცნობილია, სომხური დელეგაციის არყოფნის მიზეზები ტექნიკური ხასიათისა იყო. ნებისმიერ შემთხვევაში, ეს არის დამოუკიდებელი და სუვერენული სახელმწიფოს გადაწყვეტილება, რომელზედაც არ შეიძლება გავლენა იქონიოს სხვა სახელმწიფომ ან ორგანიზაციამ. კუხო პატივს სცემს სომხეთის რესპუბლიკის, როგორც ორგანიზაციის სრულუფლებიანი წევრის გადაწყვეტილებას“, - განაცხადა მან.