Արթուր Մելիքյանը նշանակվել է ՀՀ ՔԿ նախագահի տեղակալ
1 րոպեի ընթերցում
![Արթուր Մելիքյանը նշանակվել է ՀՀ ՔԿ նախագահի տեղակալ](http://armenpress.am/resized/480/static/news/b/2019/12/999556.jpg)
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Արթուր Մելիքյանը նշանակվել է Հայաստանի Հանրապետության քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետ:
«Արմենպրես»-ի հաղորդմամբ՝ ՀՀ վարչապետ Նիկոլ Փաշինյանի որոշումը հրապարակվել է կառավարության e-gov.am կայքում:
«Ղեկավարվելով «Հայաստանի Հանրապետության քննչական կոմիտեի մասին» Հայաստանի Հանրապետության օրենքի 20-րդ հոդվածի 4-րդ մասով, 11-րդ հոդվածի 3-րդ մասով՝ Արթուր Մելիքյանին նշանակել Հայաստանի Հանրապետության քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետ»,- ասված է որոշման մեջ: