1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ռազմական ոստիկանության աշխատակիցները գտել են զորամասն ինքնակամ լքած զինվորին:
«Արմենպրես»-ի հաղորդմամբ՝ այս մասին, «Ֆեյսբուք» սոցիալական ցանցի իր էջում գրել է ՀՀ պաշտպանության նախարարի մամուլի խոսնակ Արծրուն Հովհաննիսյանը:
«ՌՈ աշխատակիցները գտան զորամասն ինքնակամ լքած զինվորին։ Փաստորեն արկածները ավելի խայտաբղետ էին։ Այլ մանրամասները երևի հետո»,- գրել է Հովհաննիսյանը։
Հոկտեմբերի 24–ին տեղեկություն տարածվեց, որ արդեն 5 օր է` ինչ Սյունիքի մարզի Կապան քաղաքում տեղակայված ՀՀ ՊՆ N զորամասից ժամկետային զինծառայողն անհետացել է։