Վարչապետը հայտնում է 2 հակակոռուպցիոն մարմնի ստեղծման մասին. մեկը կգնահատի պաշտոնյաների գույքը
2 րոպեի ընթերցում
ՎԱՆԱՁՈՐ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում առաջիկայում կստեղծվի հակակոռուպցիոն երկու մարմին: Դրանցից մեկը կզբաղվի պաշտոնյաների,այդ թվում դատավորների գույքային կարությունների գնահատմամբ: Այս մասին հրավիրված ասուլիսում հայտնեց ՀՀ վարչապետ Նիկոլ Փաշինյանը՝ պատասխանելով «Արմենպրես»-ի հարցին, թե դատական համակարգում «վիրահատական միամտություն իրականացնելու» գործընթացը՝ վեթթինգն, ինչ փուլում է, և արդյոք արդյունքները գոհացնում են:
«ԲԴԽ կազմն էական համալրվել է, ըստ էության՝ ձևավորվել է հակակոռուպցիոն ռազմավարությունը, որտեղ նկարագրված է նաև վեթթինգ կոչվող գործընթացը։ Ուղղակի մենք, հընթացս հասկանալով, որ ուշադրությունն ավելի շատ կենտրոնացվում է «վեթթինգ» անունի, քան բովանդակության վրա, որոշեցինք այդ բառն ուղղակի չօգտագործել։ Բայց մեխանիզմները դրված են հակակոռուպցիոն ռազմավարության մեջ, և առաջիկայում հակակոռուպցիոն երկու մարմին ենք ստեղծելու: Դրանցից մեկը զբաղվելու է դատավորների և մյուս պաշտոնյաների գույքային կարողությունների գնահատմամբ: Մյուս հանձնաժողովը , որը պետք է աշխատի ԲԴԽ-ի հետ, պետք է զբաղվի մասնագիտական կարողություններ գնահատմամբ»,-ասաց վարչապետը։
Փաշինյանը Հայաստանում դատական իշխանության հետ կապված խնդիրները համարում է հրատապ և օրախնդիր: Նրա խոսքով՝ շատ լուրջ քննարկումների արդյունքում եկել են այն համոզման, որ պետք է գնալ վիրահատական, բայց ինստիտուցիոնալ ճանապարհներով, որպեսզի այնպես չստացվի, թե շատ արագ ինչ-որ խնդիր լուծելու համար իրականում ոչ թե խնդիրն են լուծում, այլ խնդրի ձևակերպումը փոխում:
«Մեր նպատակն է ի վերջո ունենալ անկախ դատական համակարգ, հանկարծ այնպես չստացվի, թե մենք նախկին իշխանությունից կախված դատական համակարգը փոխարինել ենք մեր իշխանությունից կախված դատական համակարգով: Մենք դա չէ, որ ուզում ենք անել: Եվ, կներեք, ամենաապիկար վտանգները ՀՀ-ին սպառնում են Հայաստանի դատական համակարգից»,-եզրափակեց վարչապետը: