Մեկնաբանություն

ՄԱԿ-ում ՀՀ քվեարկությունները և դրանց վերլուծության խնդիրը

3 րոպեի ընթերցում

ՄԱԿ-ում ՀՀ քվեարկությունները և դրանց վերլուծության խնդիրը
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ:Հայաստանյան լրատվադաշտում և սոցցանցերի հայկական տիրույթում քննարկումների առարկա է դարձել ՄԱԿ-ում Հայաստանի քվեարկության վերաբերյալ «Ամերիկայի ձայն»-ի պատրաստած տեսանյութը, որում փորձ է արված համադրել այդ կառույցում Հայաստանի և այլ երկրների (ԱՄՆ, ՌԴ, Վրաստան, Թուրքիա, Ադրբեջան) քվեարկությունները: Չնայած մտահաղացման հետաքրքիր լինելուն՝ պետք է փաստել, որ քվեարկությունների և դրանց համադրության վերլուծության փորձը թերի է և ոչ հաջողված:

Վերլուծության մեջ ամբողջովին անտեսված է քվեարկության դրվող հարցերի բովանդակային կողմը, իսկ քվեարկությունների պատկերը ներկայացված է խիստ ընտրողաբար: Անհասկանալի է, թե ինչու և ինչ չափորոշիչով են տեսանյութում առանձնացվել ՄԱԿ-ի անդամ հանդիսացող 193 երկրներից միայն մի քանիսը։

Քվեարկությունները Միավորված ազգերի կազմակերպության առօրյա գործունեության մասն են, և դրանց, որպես կանոն, նախորդում են բանակցային գործընթացներ, որի շրջանակներում ՄԱԿ-ի տարբեր անդամ երկրներ փորձում են համաձայնության հասնել բազմաթիվ հարցերի շուրջ։ Բանակցային այդ գործընթացում կարևոր են ինչպես միջազգային տարբեր հարթակներում համագործակցության վերաբերյալ տարբեր երկրների միջև ձեռք բերված պայմանավորվածությունները, այնպես էլ կուլիսներում ձեռք բերվող իրավիճակային համաձայնությունները՝ հիմնված փոխադարձության սկզբունքի վրա: Այս կարևոր գործոնները ևս անտեսվել են վերլուծության մեջ:

ՄԱԿ-ում Հայաստանի քվեարկության վերլուծության օբյեկտիվության պահպանման համար կարևոր է հաշվի առնել նաև Հայաստանի պետական շահերը քվեարկության դրվող բանաձևերի համատեքստում, ինչը նույնպես անտեսվել է: Քվեարկությունների վերլուծության շրջանակներում հաշվի չեն առնվել նաև տարբեր քվեարկություններից հետո անդամ երկրների ներկայացուցիչների բացատրական ելույթները, որի իրավունքից օգտվում է նաև Հայաստանը՝ պարզաբանելով այս կամ այն հարցում իր դիրքորոշումը:

Հատկանշական է, որ ՄԱԿ-ում Հայաստանի քվեարկության վերաբերյալ վերոնշյալ վերլուծության մեջ առկա թերություններին իր պաշտոնական մեկնաբանության մեջ անդրադարձել է անգամ ՀՀ ԱԳՆ՝ հստակ ամրագրելով, որ «ՀՀ-ն քվեարկում է՝ ելնելով իր ազգային շահերից՝ հաշվի առնելով ներկայացված բանաձևերի բովանդակությունը, նախապատմությունը, քննարկման ընթացքը, այլ ոչ թե այլ երկրների հաճոյանալու ցանկությունից»։

Ամփոփելով նշենք, որ ցանկացած երևույթի վերլուծության ժամանակ օբյեկտիվության և ճշգրտության ապահովման համար անհրաժեշտ է այն դիտարկել համակողմանիորեն և ոչ թե ընտրողաբար. հակառակ դեպքում վերլուծության արդյունքները չեն կարող արտացոլել իրական պատկերը, այլ կդառնան հանրությանը շփոթության մեջ գցող փաստերի մանիպուլյացիա:

Նարեկ Մինասյան

Իրանում ով էլ գա իշխանության, նախորդ կառավարության վարած քաղաքականության մեջ չի կատարի կտրուկ փոփոխություններ․ իրանագետ

Մեկնաբանություն

Իրանում ով էլ գա իշխանության, նախորդ կառավարության վարած քաղաքականության մեջ չի կատարի կտրուկ փոփոխություններ․ իրանագետ

Արցախի հայության դեմ հանցանքի պատասխանատուների շղթան կարող է ձգվել

Մեկնաբանություն

Արցախի հայության դեմ հանցանքի պատասխանատուների շղթան կարող է ձգվել

Չեխական ու լեհական մամուլի արձագանքներն Արցախի շուրջ իրադարձություններին

Մեկնաբանություն

Չեխական ու լեհական մամուլի արձագանքներն Արցախի շուրջ իրադարձություններին

Ես հավատում եմ, իմ սիրելի ժողովուրդ, քաջությանդ. Գևորգ 5-րդ Սուրենյանցը՝ մեկ դար հեռավորությունից

Մեկնաբանություն

Ես հավատում եմ, իմ սիրելի ժողովուրդ, քաջությանդ. Գևորգ 5-րդ Սուրենյանցը՝ մեկ դար հեռավորությունից

Վարչապետն անդրադարձավ Էրիկ Գրիգորյանի՝ նախարարի պաշտոնից ազատման պատճառին

Մեկնաբանություն

Վարչապետն անդրադարձավ Էրիկ Գրիգորյանի՝ նախարարի պաշտոնից ազատման պատճառին

ԱՄՆ-ը Հարավային Կովկասում փնտրում է փոխշահավետ համագործակցության նոր հնարավորություններ

Մեկնաբանություն

ԱՄՆ-ը Հարավային Կովկասում փնտրում է փոխշահավետ համագործակցության նոր հնարավորություններ

6-րդ տարեդարձն Անահիտն այսօր կդիմավորի քաղցկեղը հաղթահարած

Փաստ մեկնաբանությամբ

6-րդ տարեդարձն Անահիտն այսօր կդիմավորի քաղցկեղը հաղթահարած

Ամուլսարի հարակից համայնքների մի խումբ բնակիչներ բաց նամակ են հղել Նիկոլ Փաշինյանին

Մեկնաբանություն

Ամուլսարի հարակից համայնքների մի խումբ բնակիչներ բաց նամակ են հղել Նիկոլ Փաշինյանին

Սփյուռքահայ հրապարակախոս Կ.Գույումճյանը  ներկայացնում է «Գնի՛ր Հայաստանում» ծրագիրը

Մեկնաբանություն

Սփյուռքահայ հրապարակախոս Կ.Գույումճյանը  ներկայացնում է «Գնի՛ր Հայաստանում» ծրագիրը

Ռոբերտ Քոչարյանը մանրամասներ է հայտնել 2008-ին ԶՈւ հրամանատարական կազմի հետ իր հանդիպումից

Մեկնաբանություն

Ռոբերտ Քոչարյանը մանրամասներ է հայտնել 2008-ին ԶՈւ հրամանատարական կազմի հետ իր հանդիպումից

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում