ՀՀ ոստիկանության պետը քաղաքացիների է ընդունել
1 րոպեի ընթերցում
![ՀՀ ոստիկանության պետը քաղաքացիների է ընդունել](http://armenpress.am/resized/480/static/news/b/2019/07/983475.jpg)
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: ՀՀ ոստիկանության պետ Վալերիյ Օսիպյանը հուլիսի 31-ին հերթական անգամ քաղաքացիների է ընդունել:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, քաղաքացիները ներկայացրել են դիմումներ, բողոքներ ու առաջարկություններ: «Ոմանք դժգոհում էին որոշ ոստիկանների գործողություններից կամ անգործությունից, կային նաև ոստիկանության նախկին աշխատակիցներ, որոնք ցանկանում էին վերականգնվել ծառայության:
Մի քանի քաղաքացիներ էլ պատրաստակամություն հայտնեցին ծառայության անցնել ոստիկանության զորքերում և մեկնել առաջնագիծ՝ մարտական հերթապահության:
Վալերիյ Օսիպյանը լսեց բոլորի բարձրացրած խնդիրներն ու սպառիչ պատասխաններ տվեց:
Հիշեցնենք, որ ՀՀ ոստիկանության պետը ամիսը մեկ անգամ հանդիպում է ունենում քաղաքացիների հետ: Ցանկացողները կարող են նախապես հերթագրվել ոստիկանության ընդունարանում, հասցեն՝ Նալբանդյան 130»,- նշված է հաղորդագրության մեջ: