Տնտեսություն

ՀՀ վարչապետն ու Ղազախստանի նախագահը քննարկել են տնտեսական համագործակցությունը խորացնելու հետ կապված հարցեր

1 րոպեի ընթերցում

ՀՀ վարչապետն ու Ղազախստանի նախագահը քննարկել են տնտեսական համագործակցությունը խորացնելու հետ կապված հարցեր

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Ղազախստանի նախագահ Քասիմ-Ժոմարտ Տոկաևը հանդիպում է ունեցել Հայաստանի Հանրապետության վարչապետ Նիկոլ Փաշինյանի հետ:

Ինչպես հաղորդում է «Արմենպրես»-ը, վկայակոչելով «Կազինֆորմ» գործակալությունը,

Հանդիպման ընթացքում քննարկվել են երկկողմ տնտեսական համագործակցությունը խորացնելու հետ կապված հարցեր:

«Մեր երկրներն ընդհանուր շատ բան ունեն, ղազախական և հայկական ընկերությունները սերտորեն համագործակցում են տարբեր ոլորտներում: Հարկավոր է այդ կապերին լրացուցիչ իմպուլս հաղորդել, ինչը կամրապնդի առևտրա-տնտեսական փոխգործակցությունը,- ասել է Ղազախստանի նախագահը:

ՀՀ վարչապետը վստահություն է հայտնել տնտեսության ոլորտում հայ-ղազախական փոխգործակցությունն ընդլայնելու հարցում: «Մեր երկրների միջև տնտեսական կապերն ամրապնդվում են, առևտրաշրջանառությունն աճում է: Բայց այդ ուղղությամբ մենք դեռ աճի մեծ ներուժ ունենք, որն առայժմ չի օգտագործվում ինչպես պետք է: Մեր կառույցները պետք է սերտորեն համագործակցեն, այդ թվում՝ ԵԱՏՄ շրջանակներում»,- ասել է Նիկոլ Փաշինյանը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում