Սպառնալիքներ միշտ կան. Վանեցյանը՝ իր և վարչապետ Նիկոլ Փաշինյանի մասին
1 րոպեի ընթերցում
![Սպառնալիքներ միշտ կան. Վանեցյանը՝ իր և վարչապետ Նիկոլ Փաշինյանի մասին](http://armenpress.am/resized/480/static/news/b/2019/02/965080.jpg)
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ազգային անվտանգության ծառայության պետ Արթուր Վանեցյանի համոզմամբ՝ իշխանությունների ներկայացուցիչների, այդ թվում վարչապետի, ԱԱԾ տնօրենի նկատմամբ սպառնալիքներ միշտ էլ կան: Կառավարության նիստից հետո լրագրողները Արթուր Վանեցյանից հետաքրքրվեցին՝ արդյոք այժմ իր և վարչապետ Նիկոլ Փաշինյանի նկատմամբ սպառնալիքներ կան, ինչպես նախկինում հայտարարել էր ինքը:
«Այդ սպառնալիքները երբեք չեն չեզոքանա, եթե չեզոքանան՝ ՀՀ ԱԱԾ-ի կազմում չի գործի Պետական պահպանության ծառայությունը, որն ապահովում է պաշտոնյաների անվտանգությունը: Սպառնալիքները երբեմն ավելանում, երբեմն նվազում են, բայց սպառնալիքները միշտ կան»,- ասաց Վանեցյանը: