1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Կյանքի 81-րդ տարում Բար Հարբոր քաղաքում (Մենի նահանգ) մահացել Է ամերիկացի դերասանուհի Վեռնա Բլումը, որը հանրաճանաչ Է դարձել «Գազանանոց» (Animal house, 1978) ֆիլմի շնորհիվ: Հունվարի 10-ին այս մասին հայտնել Է Variety հանդեսը՝ վկայակոչելով ընտանիքի անդամներին, տեղեկացնում Է «Արմենպրես»-ը:
Հանդեսի տեղեկատվության համաձայն՝ դերասանուհին երկար ժամանակ տառապում Էր դեմենցիայից: Մնացել են նրա ամուսինը, որի հետ նա ամուսնացած Էր 49 տարի, եւ որդին:
Բլումը ծնվել Է 1938 թվականին: Իր կարիերայի սկզբում նա խաղացել Է տարբեր թատրոններում, իսկ 1969 թվականին առաջին անգամ նկարահանվել Է «Սառը հայացքով» (Medium cool) ֆիլմում: Դերասանուհին միշտ երազել Է խաղալ Ֆրենկ Սինատրայի հետ, եւ նրա երազանքն իրականացել Է «Պարտավորագիր Չերրի սթրիթում» (1977) կինոնկարում: Բլումին հաջողվել Է աշխատել կինոյի այնպիսի գործիչների հետ, ինչպիսք են Մարտին Սկորսեզեն եւ Քլինթ Իսթվուդը, հաղորդել Է ՏԱՍՍ-ը: