389.56
Եվրոպական հայտնի լոուքոսթերները պատրաստ են դուրս գալ հայկական շուկա
1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Եվրոպական հայտնի լոուքոսթերները (էժան ավիատոմսեր և նվազագույն ծառայություններ առաջարկող ավիաընկերություններ - խմբ.) պատրաստ են դուրս գալ հայկական շուկա: «Արմենպրես»-ի հաղորդմամբ՝ այս մասին լրագրողների հետ զրույցում հայտարարեց ՀՀ Զբոսաշրջության կոմիտեի նախագահՀռիփսիմե Գրիգորյանը:
Նրա խոսքով՝ լոուքոսթերների մուտքը ոչ միայն ենթադրում է դրսից դեպի Հայաստան, այլ Հայաստանից դեպի Եվրոպա ցածր արժեքով տոմսեր: «ԵՄ ծրագրի շրջանակներում բանակցություններն արդեն կայացել են, և հաջորդ տարի կտեսնենք արդյունքները»,- ասաց նա՝ հավելելով, որ այժմ համաձայնեցվում էմարքեթինգային քաղաքականությունը:
«Պետք է հասկանալ, թե որքանով կարող ենք ավելացնել մեր բյուջեն՝ հաստատելու համար մարքեթինգային ծրագիրը լոուքոսթերների հետ և ապահովելու համար նրանց ներկայությունը հայկական շուկայում»,- հավելեց Հռիփսիմե Գրիգորյանը:
Բաժանորդագրվեք մեր ալիքին Telegram-ում