Արդյունաբերության ոլորտում 500 մլն դոլարի ներդրումների պայմանավորվածություն կա. Նիկոլ Փաշինյան
1 րոպեի ընթերցում
![Արդյունաբերության ոլորտում 500 մլն դոլարի ներդրումների պայմանավորվածություն կա. Նիկոլ Փաշինյան](http://armenpress.am/resized/480/static/news/b/2018/11/955290.jpg)
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ։ Կառավարությունը ներդրողների հետ 500 մլն դոլարի ներդրումների պայմանավորվածություն ունի արդյունաբերության ոլորտում։
«Արմենպրես»-ի փոխանցմամբ, այս մասին նոյեմբերի 21-ին Արագածոտնի մարզում համայնքապետերի հետ հանդիպմանն ասաց ՀՀ վարչապետի պաշտոնակատար Նիկոլ Փաշինյանը։
«Այս պահի դրությամբ տարբեր իրավիճակներում քննարկման փուլում է մոտ 500 մլն դոլարի ներդրում Հայաստանում արտադրության ոլորտում։ Երբ մյուս տարվա ընթացքում դրանք բարեհաջող իրականանան, մեր երկրի կերպարը տնտեսական առումով 180 աստիճանի շրջադարձ է կատարելու։ Խոսքը մի քանի գործարանի կառուցման մասին է, որոնք պետք է փոխեն մեր երկրի տնտեսական կերպարը»,- ասաց Փաշինյանը։