Ռուսաստանի Սերպուխով քաղաքում հանդիսավորությամբ հայկական խաչքար է բացվել
1 րոպեի ընթերցում
![Ռուսաստանի Սերպուխով քաղաքում հանդիսավորությամբ հայկական խաչքար է բացվել](http://armenpress.am/resized/480/static/news/b/2018/10/949628.jpg)
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի Մոսկվայի մարզի Սերպուխով քաղաքի հանրային այգում հոկտեմբերի 3-ին տեղի է ունեցել հայկական խաչքարի բացում: «Արմենպրես»-ի հաղորդմամբ, Ռուսաստանում Հայաստանի դեսպանատունը տեղեկացնում է, որ խաչքարի բացման պաշտոնական արարողությանը ներկա է եղել Ռուսաստանում Հայաստանի դեսպան Վարդան Տողանյանը և Սերպուխովի քաղաքապետ Դմիտրի Ժարիկովը:
Խաչքարի օծման արարողությունը կատարել է Ռուսաստանի և Նոր Նախիջևանի հայոց թեմի փոխառաջնորդ Տ․Հարություն աբեղա Կիրակոսյանը:
Միջոցառմանը ներկա էին Սերպուխովի հայ և այլ համայնքների ներկայացուցիչներ: Խաչքարը հայ համայնքի կողմից նվեր է քաղաքին: