368.59
Սուրեն Կարայանը Brussels Airlines-ի ներկայացուցիչների հետ քննարկել է համագործակցության հնարավորությունները
1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: ՀՀ տնտեսական զարգացման և ներդրումների նախարար Սուրեն Կարայանն ընդունել է Brussels Airlines ընկերության փոխնախագահ Հերման Կարպենտիեի գլխավորած պատվիրակությանը։ Այս մասին «Արմենպրես»-ին տեղեկացրին ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի բաժնից:
Հանդիպման ընթացքում քննարկվել են Հայաստանի և Բելգիայի միջև զբոսաշրջության խթանման հեռանկարները։ Այդ համատեքստում Brussels Airlines ընկերության ներկայացուցիչները նախարար Սուրեն Կարայանի հետ քննարկել են այն քայլերը, որոնք կարող են ձեռնարկվել Բրյուսել-Երևան չվերթների գործարկման պարագայում։
Հայաստանի զբոսաշրջության զարգացման հիմնադրամի տնօրեն Արա Խզմալյանը ներկայացրել է, թե ինչ մարքեթինգային համատեղ միջոցառումներ կարող են իրականացվել թե՛ Բելգիայից և թե՛ հարևան երկրներից դեպի Հայաստան զբոսաշրջային հոսքերն ավելացնելու նպատակով։
Պայմանավորվածություն է ձեռք բերվել շարունակելու զբոսաշրջային ծրագրի մշակման ուղղությամբ համագործակցությունը։
Բաժանորդագրվեք մեր ալիքին Telegram-ում