1 րոպեի ընթերցում
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Հայաստան ժամանած զբոսաշրջիկների թիվը 2017-ին 18.7 տոկոսով աճել է 2016-ի համեմատ:
«Արմենպրես»-ի փոխանցմամբ` այս են վկայում Ազգային վիճակագրական ծառայության տվյալները: Համաձայն ստացված հաշվետվությունների տվյալների և հետազոտությունների արդյունքում ձևավորված փորձագիտական գնահատումների` 2017 թ. հունվար-դեկտեմբերին ՀՀ է ժամանել 1 միլիոն 494 հազար 779 զբոսաշրջիկ:
2017 թ. հունվար-դեկտեմբերին զբոսաշրջության նպատակով հանրապետությունից մեկնել է 1 միլիոն 481 հազար 755 մարդ, 2016 թվականի համապատասխան ժամանակաշրջանի նկատմամբ ցուցանիշն աճել է 17.3 տոկոսով: