Հայ բռնցքամարտիկները մեդալներ են նվաճել Լեհաստանում

ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Հայ բռնցքամարտիկները երկու մեդալ են նվաճել միջազգային մրցաշարում:

«Արմենպրես»-ի հաղորդմամբ` Լեհաստանի մայրաքաղաք Վարշավայում կայացած Ֆելիքս Շտամի անվան միջազգային մրցաշարում Հայաստանը ներկայացնող 69 կգ քաշային Գառնիկ Պապիկյանն ու 49 կգ քաշային Գասպար Բաբախանյանը նվաճել են բրոնզե մեդալ: Կիսաեզրափակչում Պապիկյանը պարտվել է Իռլանդիայի ներկայացուցչին, իսկ Բաբախանյանը զիջել է լեհ մրցակցին:

Հիշեցնենք, որ մարզիկները Վարշավայում հանդես էին գալիս մարզիչ Արթուր Կրիկյանի գլխավորությամբ: