ՀՀ Վարչապետի մասնակցությամբ քարոզչական հոլովակը մեծ տարածում է ստանում սոցիալական ցանցերում
1 րոպեի ընթերցում

ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: Հայաստանի Հանրապետական կուսակցության քարոզարշավի «Փոխենք աշխարհը» երգը և տեսահոլովակը վիրուսային տարածում է ստանում սոցիալական ցանցերում։
«Արմենպրես»-ի հաղորդմամբ` երգը կատարում է «Ռեինկարնացիա» խումբը, տեսահոլովակում հարվածային գործիքները նվագում է ՀՀ վարչապետ, ՀՀԿ նախագահի առաջին տեղակալ Կարեն Կարապետյանը։ Տեսահոլովակում նկարահանվել են նաև տարբեր բնագավառների հայտնի մարդիկ՝ երաժիշտ Նարեկ Հախնազարյանը, բռնցքամարտիկ Արթուր Աբրահամը, գյոսմայստեր Լևոն Արոնյանը, այլոք։
ՀՀԿ-ի պաշտոնական նախընտրական էջն է lovearmenia.am-ը, գործում է նաև համապատասխան ֆեյսբուքյան էջը։ Կուսակցության նախընտրական կարգախոսն է ՝ «Անվտանգություն և առաջընթաց»: