1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ: Ուկրաինայի հայերի միության տարեկան համաժողովի արդյունքներով միության նախագահի պաշտոնում արդեն երկրորդ անգամ ընտրվել է Վիլեն Շատվորյանը:
Ինչպես հաղորդում է «Արմենպրես»-ը, միության կազմակերպած կոնֆերանսին մասնակցել են նաև Ուկրաինայում ՀՀ արտակարգ և լիազոր դեսպան Անդրանիկ Մանուկյանը, Հայ առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանը, միության տարածաշրջանային մասնաճյուղերի ղեկավարները, հայ համայնքի ազդեցիկ ներկայացուցիչներ, երիտասարդական կազմակերպությունների, ինչպես նաև Ուկրաինայի տարածաշրջաններից հրավիրված հյուրեր:
Ուկրաինայի հայերի միության նախագահն ընտրվում է 5 տարի ժամկետով: