365.95
Երկու հայ սպաներ ծառայության են անցել Լիբանանի նախագահական պալատում
1 րոպեի ընթերցում
ԲԵՅՐՈՒԹ, 17 ՆՈՅԵՄԲԵՐԻ, ԱՐՄԵՆՊՐԵՍ: Երկու հայ զինվորականներ` Հովհաննես Քեշիշյանը և Պետրոս Լափաճյանը, ծառայության են անցել Լիբանանի նախագահական պալատում: Այս մասին տեղեկացնում է Լիբանանում «Արմենպրես»-ի թղթակիցը:
Հովհաննես Քեշիշյանը նշանակվել է նախագահական պահակագնդի Բ վաշտի հրամանատարի պաշտոնում` ստանձնելով հանրապետության նախագահի անձնական անվտանգությունը:
Պետրոս Լափաճյանը նշանակվել է պահակագնդի Գ վաշտի հրամանատար` ստանձնելով նախագահական պալատի գործողությունների պատասխանատվությունը:
Լիբանանի նոր պատմության մեջ առաջին անգամն է, որ երկու բարձրաստիճան հայ սպաներ միաժամանակ ստանձնում են նման կարևոր պաշտոններ:
Բաժանորդագրվեք մեր ալիքին Telegram-ում