362.34
ԱՄԷ-ի ավելի քան 10 հազարանոց հայկական համայնքը համախմբվում է ազգային կառույցների շուրջ
1 րոպեի ընթերցում
ԵՐԵՎԱՆ, 9 ՆՈՅԵՄԲԵՐԻ, ԱՐ ԵՆՊՐԵՍ: Արաբական Միացյալ Էմիրություններում ապրում է տաս հազարից ավելի հայ: Այս մասին «Արմենպրես»-ի հետ զրույցում նշեց Արաբական Միացյալ Էմիրություններում Հայաստանի արտակարգ և լիազոր դեսպան Գեղամ Ղարիբջանյանը:
«Հայկական համայնքն այստեղ սկսել է ձևավորվել 70 ական թվականներից: Հիմնականում հայեր են եկել Սիրիայից, Լիբանանից, Իրաքից, մասամբ՝ Իրանից: Տեղի հայերը հիմնականում ներկայացված են շինարարական ոլորտում, բանկային համակարգում, առևտրային ոլորտում: Հայերն այստեղ աչքի են ընկնում իրենց աշխատասիրությամբ»,- ասաց դեսպանը:
Նրա խոսքով՝ տեղի հայերը փորձում են ազգային կառույցների շուրջ համախմբվել: Այդ գործում մեծ է Հայ առաքելական եկեղեցու դերը: Այս տարիների ընթացքում հիմնվել է առաջին եկեղեցին` Սուրբ Գրիգոր Լուսավորիչը՝ Շարժայում և ընդամենը մեկ տարի առաջ Աբու Դաբիում կառուցվեց Սրբոց Նահատակաց եկեղեցին: Դեսպանի փոխանցմամբ՝ երկու եկեղեցուն կից գործում են կիրակնօրյա վարժարաններ:
Բաժանորդագրվեք մեր ալիքին Telegram-ում