Կանգառի տաղավարին հարվածած ավտոմեքենայի վարորդը հոսպիտալացվել է

ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը սեպտեմբերի 15-ին, ժամը 13.52-ին ահազանգ է ստացել, որ Երևանի Թբիլիսյան խճուղում՝ «Շամպայն գինիների գործարանի» մոտակայքում, տեղի է ունեցել ՃՏՊ՝ ավտոմեքենան շրջվել է ձորը, կան տուժածներ․ անհարժեշտ է փրկարարների օգնությունը:

Դեպքի վայր է մեկնել երկու մարտական հաշվարկ:

Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ «Mercedes SLK-350» մակնիշի 35 AG 723 պ/հ ավտոմեքենան (վարորդ Լ. Թ.) բախվել է «Nissan Teana» մակնիշի 77 ZR 778 պ/հ (վարորդ Ա. Գ.) ավտոմեքենային, դուրս եկել ճանապարհի երթևեկելի մասից, հարվածել երթուղային կանգառի տաղավարին և շրջվել ավտոճանապարհի մոտակայքում գտնվող հողատարածքում (մոտ 3 մ):

Մինչ հրշեջ-փրկարարների կանչի վայր հասնելը՝ Լ.Թորոսյանը տեղի ուժերով դուրս է բերվել ավտոմեքենայից:

Հրշեջ-փրկարարները վերջինիս մոտեցրել են շտապօգնության ավտոմեքենային, ով հոսպիտալացվել է «Սուրբ Գրիգոր Լուսավորիչ» ԲԿ:

Հրշեջ-փրկարարները փակել են գազի բալոնի փականը, հոսանքազրկել և ուղղել են ավտոմեքենան: