365.86
Վերին Լարսը փակ կլինի մոտ մեկ շաբաթ. մեքենաներին առաջարկում են ճանապարհը շարունակել լաստանավերով
1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Վերին Լարսի անցակետը փակ կլինի մոտ մեկ շաբաթ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, այդ մասին տեղեկությունն ստացվել է Վրաստանի ՆԳՆ ԱԻ դեպարտամենտից:
Նշվում է, որ անցակետը փակվել է քարաթափման հետևանքով: Բացի դրանից, Թերեք գետի մակարդակի բարձրացման հետևանքով առկա է ջրածածկման վտանգ:
Փակ անցակետում կուտակված մեքենաները հնարավորության դեպքում կարող են ճանապարհը շարունակել լաստանավերով` Փոթիի և Բաթումիի նավահանգիստներից:
Բաժանորդագրվեք մեր ալիքին Telegram-ում